मंदिर की नित्य स्तुति

                       अथ प्रातः स्मरण श्री राम पञ्चकं

ज्ञान मुद्रा धरं रामं सच्चिदानंद विग्रहम ।
ब्राह्मे मुहूर्ते चोत्थाय चिन्तयेद्रघुनन्दनम ॥
प्रातः स्मरामि रघुनाथ मुखारविन्दं,          
मन्दस्मितं मधुर भाषि विशाल भालम् ।
कर्णावलम्बि चल शोभि गण्डं,         
कर्णान्त दीर्घ नयनं नयनाभिरामम् ॥
प्रातर्भजामि रघुनाथ करारविन्दं,         
रक्षो गणाय भयदं वरदं निजेभ्यः ।
यद्राज संसदि विभज्य महेश चापं ,         
सीता कर ग्रहण मङ्गल माप सद्यः ॥
प्रातर्नमामि रघुनाथ पदारविन्दं-         
वज्रान्कुशादि शुभरेखि सुखावहं मे ।
योगीन्द्र मानस मधुव्रत सेव्यमानं -         
शापापहं सपदि गौतम धर्म पत्न्याः ॥
प्रातः श्रये श्रुतिनुतो रघुनाथ मूर्ति -         
नीलाम्बुदोत्पल सितेतर रत्न नीलाम् ।
आमुक्त मौक्तिक विशेष विभुषणाढयां-         
ध्येयां समस्त मुनिमिर्निज मुक्ति हेतुम् ॥
प्रातर्वदामि वचसा रघुनाथ नाम -         
वाग्दोष हारि सकलं समलं निहन्तृ ।
यत्पार्वती स्वपतिना सहभोक्तुकामा          
भक्त्या सहस्र हरिनाम समं जजाप ॥
ये श्लोक पञ्चकमिदं मनुज पठेयुः          
नित्यं प्रभात समये नियताः प्रबुद्धा ।
श्री राम किंकिर जनेषु स एव मुख्या ,         
भूत्वा प्रयान्ति हरिलोक मनन्य लभ्यम् ॥