श्री राम अनन्याष्टकम्

न तातो न माता न बन्धुर्न दाता , न पुत्रो न  पुत्री न भृत्यो न  भर्ता ।
न  जाया न  विद्या न वृत्तिर्ममैव , गतिस्त्वं गतिस्त्वं त्वमेकः श्रीराम ॥ १ ॥
भवाब्धावपारे महादुःख भीरुः , प्रपात प्रकामी प्रलोभी प्रमतः ।
कुसंस्कार - प्रबद्धः सदाहं, गतिस्त्वं गतिस्त्वं त्वमेकः श्रीराम ॥ २॥
न जानामि दानं न योगं न ध्यानम् ,  न जानामि तत्रं न मंत्र न यन्त्रम् ।
न जानामि न्यासं न पूजां न कर्मम्, गतिस्त्वं गतिस्त्वं त्वमेकः श्रीराम॥ ३ ॥
न जानामि पुण्यं न जानामि तीर्थम् , न जानामि मुक्तिं तपो वा कदाचित् ।
न जानामि भक्तिं व्रतं वापि नाथ , गतिस्त्वं गतिस्त्वं त्वमेकः श्रीराम॥ ४ ॥
कुकर्मी कुसंगी कुबुद्धिः कुदासः , कुलाचारहीनः कदाचारलीनः ।
कुदृष्टि कुवाक्यप्रबन्धः सदाहं , गतिस्त्वं गतिस्त्वं त्वमेकः श्रीराम॥ ५॥
ब्रजेशं रमेशं महेशं सुरेशं, दिनेशं निशीथेश्वरं वा कदाचित् ।
न जानामि चान्यत सदाहं शरण्यं , गतिस्त्वं गतिस्त्वं त्वमेकः श्रीराम॥ ६ ॥
विवादे विषादे प्रमादे प्रवासे , जले चानले पर्वते शत्रुमध्ये ।
अरण्ये शरण्ये सदा त्वं प्रपाहि , गतिस्त्वं गतिस्त्वं त्वमेकः श्रीराम॥ ७॥
अनाथो दरिद्रो जरारोगयुक्तो , महाक्षीणदीनः सदाचाडयवक्त्रः ।
विपत्तौ प्रविष्टः प्रणष्टः सदाहं , गतिस्त्वं गतिस्त्वं त्वमेकः श्रीराम॥८॥
                प्रोक्तं रामाष्टकम् दिव्यं प्रेम्णा श्रीराम सन्निधौ ।
                ये  पठन्ति प्रातरूत्थाय तेषां रामः प्रसीदति ॥